Padayon nga gina problemahan sang siudad sang Bacolod ang mga nagatinulog sa sulod kag palibot sang Bacolod City Public Plaza.
Ini bangud matapos nga ginpahalin na ang mga natungdan sang otoridad, nagbalhin naman sila tulog sa dalan San Juan.
Base sa profiling sang siudad, may masobra 30 mga indibidwal ang nagatinulog sa plaza samtang may masobra man sa 100 ka mga barker ang nagatinir sa plaza.
Ginsiling ni Bacolod City Administrator Atty Mark Steven Mayo, nga iban sa mga nagatulog sa plaza ang indi man taga Bacolod. Ila na gindul-ong pauli ang mga indi taga Bacolod apang nagabinalik sa gihapon sa plaza.
Ginatun-an pa sang siudad sa karun ang tikang agud tigayon mahilway ang mga dalanon sang Bacolod City gikan sa ila.
Damlag pa, ginmanduan na sang siudad ang mga security guards sa plaza kag ang kapulisan nga istriktohon ang pagpatuman sang mga pagsulundan sa area.
Lakip na diri ang pagdumili sang pagtulog sa plaza, paglakat nga wala sang suksok nga panapton, pag panigarilyo kag pagpatukod sang mga hayub-hayub.
[sibwp_form id=1]