Ang paghimo sang pandayan nga sarang magamit sang mga mangunguma sa pag kaayo sang ila nga mga tools kag equipment kag ang pagtraining sa ila kun paano ini gamiton ang isa lamang sa mga rason sa pagpili sang Department of Science and Technology Metals Industry Research and Development Center ukon DOST-MIRDC sa founder sang RU Foundry and Machine Shop nga si Ramon Uy Sr. bilang recipient sang ila nga Legacy Trophy Award.
Dugang pa sang ahensya nga ang amo nga mga equipment nga ginahimo sang iya kumpanya ang nakapahapos sang kabuhi sang mangunguma, nakabulig sa ila para indi mag gasto sang dako kag nakahatag sang dugang nga trabaho kag ihibalo sa ila.
Suno pa sa DOST-MIRDC, indi lang sa Negros nagamit ang iya nga mga inubrahan kundi sa iban pa nga parte sang Pilipinas.
Sa likod sang sini nga mga gamit sa pag panguma, gin highlight sang ahensya nga ang pag dugang sa ihibalo sang iban nga tawo para mag-uswag ang ila nga mga pangabuhi ang isa sa mga dako nga impact nga gindala sang kumpanya ni Uy.
Gani siya ang ginpili nga mangin recipient sang legacy trophy award.
Ginbaton ni Uy ang award upod ang iya pamilya sang nagligad nga Biyernes sa awards night sa Metro Manila.
Bilang sabat, iya ginsiling nga isa ka dako nga dungog para sa iya ang amo nga award kay ang ila ginpangabudlayan ang nakabulig paayo sa pangabuhi sang iban nga tawo.
[sibwp_form id=1]