Mga motorsiklo sa gwa sang unibersidad sa dalan Lizares ginpang-clamp kag gin-tow.
Samtang, BTAO gin-usisa na ang traffic enforcer nga nakuhaan litrato nga naga angkas sa motorsiklo nga wala helmet.
May mga no parking signs nga makita sa dalan Lizares sa kilid lang sang University of Negros Occidental Recoletos.
Pero may pila gihapon ka mga motorsiklo nga naga park ang naabtan sang BTAO sa lugar amo nga ila ini ginpang-clamp kag madasun mga gin-tow.
Sa video nga kuha sang manunudlo nga si Agnes Lira-Jundos indi magnubo sa napulo ka mga motorsiklo ang gin-tow nga wala na maabtan sang pila ka mga tag-iya.
Nagligad lang man nga binulan sang may pila man ka salakyan kag motorsiklo nga naga park sa kilid sang USLS kag Colegio San Agustin-Bacolod ang ginpang-clamp kag gin tow sang BTAO paagi sa Metro Towing Services.
Sa pihak nga bahin, gina usisa na sang pamunuan sang BTAO ining nagalapta nga litrato sang personnel sini nga naga angkas sa motorsiklo nga wala sang helmet.
Ginsiling ni BTAO head Patrick Lacson natumod na nila ang amo nga personnel.
Natalana sila nga maga issue sang citation ticket kag iga-reprimand ang amo nga empleyado.