Commission on Elections ang naga abiso sa mga maga papili sa Barangay kag Sangguniang Kabataan Elections nga mag file sang temprano kag kun mahimo indi na paghulaton pa ang last day sang filing.
Ini ang pahanumdom ni Atty Ian Lee Ananoria, ang Elections Supervisor sang Negros Occidental karon nga sa Lunes na maga sugod ang filing sang Certificates of Candidacy.
Dugang pa niya, mas maayo kun tigayon nga mapa check sa abogado ukon sa Election Officers ang na fill out nga mga pormas para makasiguro.
“Not to file on the last day, that’s number 1, kay budlay na mag ginutok bala. Number 2, consult a lawyer before they file, (ngaa ma consult gid lawyer sir?) or the Election Officer, kay every line in the COC has legal implications. Tanan da nga blanks, tanan nga fill-upon has legal implications”, suno kay Ananoria.
Kay tungod nga maga sugod naman sa Lunes ang election period, ipatuman naman ang gun ban.
Automatic naman ang pag butang sang mga checkpoints.
Sa command conference kahapon suno kay Ananoria, gin patpat ang mga patakaran angut diri.
Sa karon wala pa sang makabig nga areas of concern bangud nga wala pa natapos ang filing.
Suno kay Ananoria ang personalidad sang mga maga papili amo ang maga pat-od man kun bala may makabig nga hot spots ukon areas of concern sa lugar.
Samtang, padayon ang pag panghanda sang Comelec sa Barangay kag SK Elections. Naka schedule na ang pag abot sang mga accountable forms.