Mga local chief executives sa Western Visayas ang naga ayu sa National Inter Agency Task Force against Emerging Infectious Diseases nga palawigon ang travel moratorium sa rehiyon.
Base sa post sa official social media page sang Iloilo City Government, ginpahayag ni Mayor Jerry Trenas nga nagsapul sila nga mga alkalde kag gobernador sa rehiyon kag ila nadesisyunan nga maghinyo sa national iatf nga palawigon sang isa pa gid ka semana ang ginapatuman karon nga suspension sang inbound travel gikan sa NCR plus, Cebu kag Davao.
Suno kay Trenas magapadala sila sang formal letter kay NIATF chief implementer Carlito Galvez tuhoy sa ila ginahinyo nga extension sang travel moratorium.
Ini bangud padayon sa gihapon ang pagsaka sang mga kaso sang COVID-19 sa amo nga mga lugar.
Tubtub sa maabot nga Sabado, April 10, ang travel moratorium sa Western Visayas nga nagsugod sang Lunes.