Shadow

Mga anay rebelde nga nag surender gintagaan sang bulig

14 ka mga anay rebelde ukon former rebels gikan sa anum ka mga banwa kag siudad sang Negros Occidental ang nagbaton kaina sang aga sang assistance.

Sa isa ka seremonya, gin turn over ang cheke nga naga balor sang 65,000 pesos. Kinse mil diri bilang financial assistance sa ila nga reintegration ukon pagbalik sa sosyodad kag 50 mil pesos naman bilang livelihood assistance. Wala labot sini may mga food packs kag iban pa gid nga sahi sang assistance ang ila nga nabaton.

Ang mga anay rebelde ang gikan sa Hinobaan, Cauayan, Talisay City, kabankalan City, Ilog kag Isabela.

Ini tanan sa idalom sang E-Clip ukon ang Enhanced Comprehensive Local Integration Program. Suno sa gobernador padayon ang paghaylo sa mga rebelde nga magbalik sa sabak sang gobyerno. Padayon ang kampanya sang gobyerno para sa kalinong suno sa iya.

Isa sa mga anay rebelde ang nagtestimoniya nga sa sulod sang 30 ka tuig niya nga pag upod sa hublag nangin tuman ka budlay. Sang tion nga may kinahanglan siya wala man siya nabuligan. Kun ngaa may nagapabilin pa sa gihapon sa grupo suno sa iya ini bangud sang indi amo nga doktrina nga gina duso sang mga liderato sang hublag sa mga katapo sini.

Leave a Reply

Your email address will not be published. Required fields are marked *

Secured By miniOrangeSecured By miniOrange