Mga banwa kag siudad sa Negros Occidental ang nag mansig-mansig handa sa Bagyo Odette. Napaidalom na ang mga disaster teams sang probinsya sa red alert status.
Sa Sipalay City, may ginpatigayon nga rekurida sa pagpahanumdom sa mga pumuluyo sa mga dapat buhaton sa tunga sang malain nga tiempo kag kun may pagbaha. Nakahanda naman ang mga katapo lakip na kagamitan sang disaster team.
May mga sanga sang kahoy nga ginpang-utod. Sa banwa sang Cauayan naman naka handa na ang mg food packs enkaso nga may evacuation. Gin re-activate na ang Municipal Disaster Risk Reduction Council sang banwa.
Suno kay Mayor John Rey Tabujara may lima ka mga barangay nga masami nga gina baha ang ila nga gina tutukan. Sa Kabankalan City naman, nagsapol na si Mayor Pedro Zayco para mahandaan ang posible pag igo ni Bagyo Odette sa probinsya.
Suno kay provincial administrator Rayfrando Diaz, gina abisuhan ang tanan nga pumuluyo nga mag aligmat kag maghanda, kun kinahanglan nga magsaylo na nga daan sang lugar para malikawan ang ano man nga halit.
Labaw sa tanan gina haylo ang tanan nga mag pangamuyo para sa probinsya.