Mayor Albee indi magsugot nga mag-redeem sang mga food vouchers ang mga kiosko nga wala nag-operate sang ginpalawig ang MassKara Festival.
Lapit sa P2.4M ang na-claim kag karon gina-validate nga mga food vouchers nga gin-endorso na sang mga kiosk renters sang ginpalawig ang ila pag-operate sa Masskara Festival sang Oktubre 31.
Naka-lab-ot kay Mayor Albee Benitez nga may mga kiosko nga nag-sirado na pero may ginpang-endorso gihapon nga mga food vouchers.
Rason nga indi niya ini pagtugutan nga maka-redeem sang mga food vouchers nga naga-balor sa P200 kada isa.
May duha ka mga kiosko nga nagtuyo nga mapakambyohan ang mga vouchers bisan wala sila nag-operate kabangdanan nga ini ang gina-validate sang alkalde.
Ang pondo gikan sa personal nga donasyon ni Mayor Albee sa tuyo nga makabawi ang mga kiosk renters sa Bacolod Public Plaza, The Upper East kag Bacolod City Government Center sa epekto sang Bagyo Kristine.