Patay ang 61-anyos nga tricycle driver matapos makabunggo sa truck sa Barangay Ani-e, Calatrava sang Sabado.
Kaupod ni Sabiniano Amaro, ang lima ka tuig nga pasahero nga luwas na sa katalagman.
Samtang ang driver sang truck ginkilala kay Diogenes Albarico.
Base sa inisyal nga imbestigasyon sang PNP, ang truck nagabiyahe halin sa Brgy. Suba, Calatrava pakadto sa Brgy. Minapasok sang nakalab-ot sa taklaron nga dalan samtang ang tricycle naman ang nagadalagan sa opposite direction kag sang naga dulhog hinali lang nga nang-agaw ini sa lane sang truck, nga nagresulta sa pagbungguanay.
Gilayon naman nga nag-apply sang emergency break ang truck driver apang nalab-ot ang tricycle rason nga nagresulta sa pagkapilas sang tricycle driver kag sa iya sini nga pasahero.
Gindala sa Calatrava District Hospital ang mga biktima apang gindeklarar nga dead-on-arrival ang driver.
Temporaryo nga gin-detain sa Calatrava Police Station ang driver sang truck.