Ini sila ang ulihi na nga batch nga mga katapo sang EOC nga ginpa swab test.
Suno sa kay Bacolod EOC Executive Director Em Ang, sa kada adlaw adlaw sila nga naga inatubangay sa Bacolod City Government Center sang mga EOC members para talakayon ang COVID-19 cases sa siudad kag nagakadapat man nga ma swab sila para mahibaluan kun bala may nag positibo sa ila sa COVID-19.
Indi magnubo sa 120 ka mga EOC members ang naga tipon sa kada adlaw.
Ini sila gikan sa nagkalin lain nga mga opisina kag sektor.
Damlag pa may onse tanan ka mga empleyado sang AVM Bernardo Slaughter House nga nag positibo sa COVID-19 matapos nga ginpaidalom sila sa surveillance testing man sang nagligad nga semana.
Sini nga semana magapadayon ang testing sa mga BHERTS kag masunod ang sa transport sector lakip na ang mga yara sa food delivery services.