Shadow

Mga higante nga billboards sang mga kandidato sa Bacolod indi pa matandog sang COMELEC

Mga billboards sang mga kandidato sa Bacolod ang indi pa maaksyunan sang Comelec bisan pa wala ini nagasunod sa Fair Elections Act.

Mas nagadamo na karon ang mga higante nga billboards sang mga kandidato sa bahin sang dalan Lacson sa Bacolod.

Kun basehan ang pagsuludan sa idalom sang Republic Act 9006 ukon ang Fair Elections Act indi dapat maglapaw sa 2×3 feet ang mga campaign materials kasubong sang posters, 3×8 feet naman ang kadakuon para sa mga streamers.

Suno kay Atty. Revo Sorbito, acting election officer sang Comelec Bacolod, indi pa nila maaksyunan ang pagpangakas sini samtang wala pa magsugod ang campaign period.

Ang Comelec ang magatukod sang task force upod sa katapo sang Philippine National Police kag iban pa nga government agency upod sa pagtalana sang campaign committee nga amo ang magapatuman sang monitoring kag tikang sa pag regulate sang kadakuon kag kun diin napahamtang ang campaign material.

Ini kun magsugod naman ang campaign period para sa national elections sa Pebrero 8 kag March 25 sa local elections.

Secured By miniOrangeSecured By miniOrange