Isa ka security guard ang pinaka una nga gunban violator sa Bacolod matapos iya nga gin pang tayaan sang iya nga armas ang iya mga upod nga gwardiya kag nag palupok sa parking lot sang isa ka establisyemento sa Barangay Tangub sa Bacolod City.
Ang gindakop amo ang 41 anyos nga si Chris Villegas.
Suno kay Major Joery Puerto, hepe sang Police Station 8, nakainom sang amo nga gab-i si Villegas kag nag maoy. Iya gin pangtayaan sang pusil ang iya mga upod nga gwardiya. Iya man ini ginpalupok suno sa pulis.
May kaakig abi suno kay puerto ang suspek sa ila agency amo nga iya ini nahimo.
Detained na si Villegas kag kaso nga grave threats, illegal possession of firearms kag Comelec gun ban violation ang ginpasaka batuk sa iya.