May 414, 880 na tanan ang fully vaccinated sa Bacolod sandig sa record sang Department of Health sa Western Visayas.
Nalabawan sini ang kwatro shientos dies mil ka mga indibidwal nga target sang mabakunahan sa paglab-ot sang herd immunity.
Suno kay Em Ang, executive director sang Emergency Operations Center, isa ka milestone ang malab-ot ang 101.2 percent sang target population.
Sa pihak sini hugot nga nagapanawagan ang EOC sa mga wala pa makapabakuna nga magkadto na sa mga vaccination centers para mapangapinan sila kontra sa Covid-19.
Ginapabaskog man sang siudad ang vaccination program para sa booster dose bangud sang kahangawa nga tuga sang Omicron variant.
Ang Bacolod may yara sang 34 ka mga bag-o nga kaso sang Covid-19.