Shadow

Mga empleyado sang Bacolod DRRM ginpatawag na sang City Legal Office angut sa alegasyon sang pag palapaw sang krudo

Mga personnel sang Bacolod – DRRMO napatawag na sang City Legal Office angut sa gina-alegar pagpalapaw sang supply sang produkto petrolyo.

Ginpahayag ni Bacolod – DRRMO head Dr. Anna Maria Laarni Pornan nga antes pa man naglab-ot kay Mayor Albee Benitez ang kaso angut sa gina-alegar pagpalapaw sang supply sang produkto petrolyo, may mga insidente na sang pag pang-siphon ukon pagpangawat sang gasolina sa mga government vehicle nga naga-park sa DRRM Evacuation Center sang nagligad nga tuig.

Indi mapat-ud ni Pornan kun sin-o ang responsable sa pagpangawat kag ang ginareklamo karon nga personnel nga gina-alegar makapulo ka beses nga ginapadal-an sang tig-20 tubtob 40 liters nga supply sang produkto petrolyo gikan sa DRRMO.

Pero napatawag na ang mga personnel, pati na mga job order workers sang DRRMO para mausisa sang City Legal Office.

Si City Legal Officer Karol Joseph Chiu ang ginmanduan ni Mayor Albee para matumod ang mga responsable sa insidente kag madasun nga mapanaugan sang show cause order.

Secured By miniOrangeSecured By miniOrange