Nakit-an ang pagdamo sang severe kag critical cases sang Covid-19 infection karon nga naga resulta sang pagkapuno sang mga ospital subong.
Madamo ang yara sa waiting list para lamang maka sulod sa ospital. Suno kay Dr Rommela Tiples-Ruiz, sang Philippine Society for Microbiology and Infectious Diseases, sa virtual press conference kahapon, sa Riverside masobra 50 ang yara sa waiting list, sa Doctors Hospital kag sa Bacolod Queen of Mercy Hospital may masobra sa 30 ka naga hulat.
Nag abiso naman ang Bacolod Adventist Medical Center nga puno na sila. Amo man ang CLMMRH, damlag pa.
Indi lamang puno, may kakulang pa sa health care workers ilabi na nurses.
“It’s really a problem because some of our healthcare workers at the same time apart from understaffing they are also affected with Covid. They are also in isolation. That’s the problem we are facing. So beds are there, but no one to take care of the patients,” suno kay Ruiz.
Ang sitwasyon suno kay Ruiz, nagapakita nga wala tigayon na control ang paglapata sang infection.
Ang pagpatumbaya sa pagsunod sa minimum health protocol gina tudlo rason.
Suno kay Dr Lizette Guanzon kay naga pabilin sa MGCQ ang Bacolod kag Negros Occidental kasubong nga daw nagdumdom ang mga pumuluyo nga wala na sang Covid. Namutikan man nga ang latnanay pinamilya na.
Wala labot diri may mga indi luyag mag pa idalom sa swab test. Suno sa mga duktor, importante nga mahangpan sang tanan nga sa pag pat-od kun positibo sa Covid-19 ang isa ka persona, matapna ang pag laton pa gid sa iban.
“if kun wala kita sang obraon nga strategy nga maka prevent nga mag blow up ang kaso, gina foresee namon sang infectious disease consultants nga in a few weeks, in a few days, 2 weeks ma blow up gid ni siya,” suno kay Dr Rommela Ruiz, infectious diseases specialist.
Suno kay Mayor Bing Leonardia, pwede nga mismo ang pumuluyo magbuligay kag maghatag sang kooperasyon sa away kontra Covid. Ang mas istrikto nga mga quarantine protocols last recourse na.
“Gatan-aw kami nga we would like to make that as a last recourse. At the same time this is also a message to our people, if the cases continue to rise and it will become worts. Time will come we will have to recourse to this strict measures,” suno kay Leonardia.
Suno sa alkalde may pending nga request ang lokal nga panguluhan sa Department of Health para sa dugang nga health care personnel. Maga sugilanon man siya sa militar kun mabuligan man ang bahin sa kakulang sang personnel.