Para sa iban, sang kapuraot sang pangabuhi sa kaumahan, ang naga duso sa ila nga magkadto sa Bacolod kag magpangita sang trabaho para may income.
Parehas na lamang sa 51 anyos nga karga tapas nga si Jose Larenio sang Barangay Gargato sa banwa sang Hinigaran nga nag pasimpalad man sa Bacolod.
Bangud wala man makatapos sa pag-eskwela napamensaran ni Larenio nga mag alsada sang kamote nga amo karon ang iya ginabaligya sa kilid sang Lopues East Center sa corner sang Burgos kag Circumferential Road.
Masami naga gwa sa social media ang iya litrato kay may mga netizens nga naluoy sang iya kahimtangan.
Sa beinte ka putos nga kamote nga iya mabaligya, maka income si Larenio sang otso shientos pesos nga amo naman ang iya ginapaigo igo sa sais shientos pesos nga arkila sa ginatiniran nga boarding house kag kalan-on sa matag adlaw.
Apat na ka tuig nga gina antus ni Larenio ang ulan kag init sa sidewalk.
Bangud wala man sang kaupod sa pagpangabuhi nagdesisyon sya nga diri na sa Bacolod magpuyo.
Pero sang nagsugod ang pandemic sang nagligad nga tuig, daw haloson na siya makabaligya sang duha ka putos sang kamote nga iya ginabaligya sa tag shien pesos. Wala naman abe sang may mga naga ginuha sang estrikto pa ang quarantine protocols.
Sa pihak sini wala nagakadulaan sang paglaum si Larenio.
Imbis magpaka limos, naga baka baka siya sa gihapon sa pagbaligya.
Magluwas sa mga naga nilabay nga motorista dako man nga bulig sa iya pag remedyo heneral ang mga tenant sang department store kag pati na mga dispatcher nga iya na mga suki.
Nagapati si Larenio nga dapat mangin mabakod ang pagtuo kag mangin mabakas agud malampuwasan ang hangkat sang pagpangabuhi.
Para sa iya, indi madula ang mga pagtilaw sa kabuhi sang tawo sa kada adlaw, naga depende sa imo kun paano mo ini malampuwasan.
Pero dapat indi mag isalig sa iban, samtang masarangan pa, maghimakas kay para bisan ginagmay may maabot sa gihapon nga grasya.