Mas nag lapad ang damlag pa mga crack nga nakit-an sa bahin sang bukid sakop sang Camp Valdez sa Mambaroto sa Sipalay City kag mas nag dalom ang pag ka usmod sang duta.
Ini suno kay Dionilo Bogtae ang Disaster Risk Reduction Management coordinator sang Sipalay City.
Base sa geo-hazard assessment nga gin patigayon sang October 18, pila sa gin kumpirma sang Mines and Geosciences Bureau-NIR amo nga may yara sang multiple horizontal cracks sa foot slope.
Ang mga crack yara sa 4 tubtob 10 inches. Gina bulubanta nga yara sa 80 tubtob 100 meters sang vertical displacement nga may yara sang madalom nga mga crack nga naga measure sang 3 tubtob 9 feet ang kadalumon. May yara man sang patimaan sang bag-o nga landslide.
Sang Lunes, nag sapol na sila sa tiglawas sang MGB kag Department of Public Works and Highways nga gikan sa ila nga distrito. Isa sa gina lantaw nila nga ipatuman amo ang pag limit sang load capacity sang mga salakyan nga naga agi sa amo highway labi ang mga truck nga may mabug-at nga karga para malikawan ang dugang nga pag tay-og sa dalan. Suno kay Bogtae sila ang naga coordinate sa karon sa DPWH bangud yara na ini sa ila nga jurisdiction. Gin cordone nga nila ang area. Gin-sira na ang entrance sa ibabaw kag ginkudalan matapos mag coordinate sa tag-iya.
Mahimo nga may yara na sang daan nga mga crack sa area suno kay Bogtae kag gin palala lamang sang padayon nga pag-ulan kasubong man sang pagkatabo sang linog kag mga aftershock.
“Since nga naga progress ang iya erosion once nga mag ulan, ang isa namon nga gin ano sa DPWH nga I ano ang mga salakyan nga naga agi dira sa load capacity kay mag agi ang heavy equipment naga tay-og ang dalan.
Wala pa kami nag re-route. Nag identify lang kami sang amon re-routing pero wala pa man. At least ang aton preparasyon”, suno kay Bogtae.