Temporaryo nga nag-untat ang clearing operation sa Ibid Creek sa banwa sang La Castellana humalin sang Lunes bangud sang ulan.
Ini suno kay Irene Bel Plotena ang pamuno sang Provincial Disaster Risk Reduction Management Office – Negros Occidental, nga nag siling man nga sila ang naga pangita pa gid sang area nga butangan sang volcanic materials nga ila dugang makuha gikan sa clearing operation.
Paathag niya napuno na ang area sang Mt Kanlaon Natural Park lakip na ang isa pa gid ka area nga ila man gin tambakan sang nakuha nga mga volcanic materials.
Gani maga resume sila kun may mabutangan naman sila. Nagdalom naman gid balik ang Ibid Creek kag nag gwa na gani ang mga bato.
Ang Department of Public Work Highways – Negros Island Region suno sa iya ang padayon nga naga clear sa ibabaw nga bahin.
Kag tungod nga naga ulan-ulan naga ka anod balik ang mga nakuha na nga volcanic materials kun mapuno naman ang sa idalom nga bahin ma balik naman sila sang clearing operation.
3,000 cubic meters sa 28,000 cubic meters sang volcanic materials ang ila nga tigayon nakuha gikan sa Ibid Creek.
Nabaton na sang DENR Secretary nga si Raphael Lotilla ang request angut sa pagtugot sa kay Governor Lason sa pag issue sang special permit para sa mga commercial entities nga mag patuman sang clearing pero tubtob sa karon wala pa man sila makabaton sang sabat.