53 ka mga hatchlings ukon buto sang pawikan natukiban sa sulod sang isa ka resort sa Sipalay City.
Ginapatihan nga hatchlings ukon buto sang green sea turtle ang gin-release sa baybayon matapos natukiban sa sulod sang isa ka resort sa Barangay Nauhang sa Sipalay City kaina sang aga.
Natukiban sang staff sang Saka-Saka Beach Resort pasado las 2 kaina sang kaagahon nga may 53 ka mga buto sang pawikan sa sulod sang resort rason nga ila ini gintipon kag ginpabalo sa LGU.
Suno kay Bantay Dagat Coordinator Edsel Toledo, nagakaganyat ang mga hatchlings sa una nga suga nga ila makita rason nga nagpadulong ang mga ini sa resort bangud sa ila nga mga suga.
Ginpabalo man sang Bantay Dagat kag staff sang City Agriculture Office sa mga staff sang resort ang importansya sang mga sea turtles sa ecosystem kag ang ila presensya ang nagapakita nga healthy kag matinlo ang palibot.