Gin-endorso sang Land Transportation Office – Negros Island Region sa LTO Central Office para i-revoke ukon bawi-on ang mga lisensya sang mga drayber sang Public Utility Vehicles nga nag-positibo sa iligal nga droga sa ginpatigayon nga random drug testing sa pagpatuman sang Oplan Harabas sang semana santa sa Transport Terminal sa Barangay Banago sa Bacolod.
Sa statement sang LTO-NIR, ila ginklaro nga nakasaad sa Republic Act No. 10586, Republic Act No. 9165, kag LTO Memorandum Circular No. 2017-2008, ang mga drayber nga nag-positibo sa pag-usar sang iligal nga droga ang magapangatubang sang permanente nga revocation sang lisensya kag lifetime disqualification nga maka-reapply sang lisensya.
Ini kabahin sang tikang nga ginahimo sang ahensya para mangin safe ang dalanon para sa mga motorista kag sa publiko.*
[sibwp_form id=1]