Shadow

Mga barangay dapat man magpatigayon sang blood letting samtang naga saka ang kaso sang dengue suno sa CHO

Blood letting ginahaylo sa mga kabarangayan magluwas sa pagpatuman sang anti-dengue measures.

Sa May 7 nga report gikan sa Bacolod City Epidemiological Surveillance Unit, may pagsaka sa 58 percent ang kaso sang dengue sa siudad kun ikumparar sa pareho nga period sang nagligad nga tuig.

May 115 karon ang na record nga dengue cases sa Bacolod kag duha diri ang napatay.

Mas mataas ini ikumparar sa 73 ka dengue cases nga may duha man ka dengue deaths nga na record sang nagligad nga may 2021.

Suno kay Dr. Edwin Miraflor,OIC sang City Health Office, ginakinahanglan ang masupog nga anti dengue measures sa mga kabarangayan agud nga mapunggan ang dugang nga kaso sang dengue.

Importante man ang pagpatuman sang barangay bloodletting activity agud mapasiguro ang supply sang dugo nga masami ginakinahanglan sang mga pasyente.

Ang Barangay Singcang-Airport kag Estefania amo ang nagapanguna nga may katorse ka mga dengue cases.

Tig napulo nga kaso ang na record sa barangay Granada kag Mansilingan, siyam sa Barangay Mandalagan kag lunsay may walo ka kaso sang dengue sa barangay Sum-ag kag Alijis.

Pito sa Barangay Tangub, lima sa Barangay Banago kag may apat ka dengue cases sa Barangay Pahanocoy.

Secured By miniOrangeSecured By miniOrange