Mga 60 ka estudyante ang ginpang dala sa ospital matapos nga mag inum sang fresh milk nga ginpanagtag sa mga eskwelahan sa Bayawan, Negros Oriental

Gindala kagab-i sa Bayawan City District Hospital ang pila ka mga elementary students sang banwa sang Sta Catalina sa Negros Oriental bangud sa gina alegar food poisoning.

Ang fresh milk nga wala sang label nga ginpanghatag sa mga estudyante ang gina lantaw nga kabangdanan sang pagpalanuka sang mga estudyante.

Sa report sang Sta Catalina PNP, ginpahayag sang Deped District 2 Supervisor nga si Emily Colasisang nga gikan ang gatas sa Division Office of Negros Oriental bilang kabahin sang ila nga milk feeding program kag ila ini ginpanghatag kahapon sang aga.

Pagkagab-i nagpalanuka na ang pila ka mga estudyante nga nag inom sang gatas gani sila ang gindala na sa ospital.

Padayon ang imbestigasyon sang PNP may angut sa insidente.