Ginkasugtan sang Bacolod City Legal Office kag sang asosasyon sang mga manug-baligya sa palibot sang Barangay Hall sang Barangay Tangub nga indi nalang anay pagkakason sa lugar ang ila mga baligyaan samtang ginapatukod pa ang bag-o nga merkado sang Barangay.
Una na nga ginareklamo sang pumuluyo sa Tangub ang mga baligyaan bangud nagasablag na ini sa dalan kag nagatuga sang mahinay nga lakat sang trapiko.
Ginsiling ni City Legal Officer Karol Joseph Chiu nga nagpabutyag man ang mga vendors nga luyag man sila maghalin kun mahuman na ang ginapatukod nga merkado sang Barangay.
Isa ka metro gikan sa sidewalk ang temporayo nga pwesto nga ginhatag sang CLO sa 41 ka baligyaan sa lugar.
Dugang pa, ginahaylo man sang CLO ang mga vendors nga magkuha sang special permit samtang wala pa sila makasaylo sa bag-o nga merkado.
Sa karun nagapadayon ang konstruksyon sang Barangay Tangub sa ila ginapatukod nga merkado agud mahatagan na sang legal nga pwestohan ang mga baligyaan sa higad sang dalan.
[sibwp_form id=1]