Nakapungko na ang ika-pito nga obispo sang Diocese of Bacolod nga si Bishop Louie Galbines Martes sang aga matapos ang Canonical Procession kag solemn installation sa San Sebastian Cathedral.
Ginatos ka mga pari kaupod ang 39 ka obispo gikan sa nagkalain-lain nga mga lugar sa pungsod ang nagtambong sa amo nga seremonya nga ginpangunahan man ni Papal Nuncio to the Philippines Archbishop Charles John Brown.
Gindagsa man sang mga parokyano lakip na sang mga estudyante sang mga Catholic schools sa siudad ang seremonya.
Ginkalipay man ni Bishop Galbines ang pag-abi abi sang diocese sa iya.
Nagpasalig man ang obispo nga iya padayunon ang mga programa nga ginsugudan na ni Bishop Patricio Buzon, nga iya ginbuslan.
Dugang pa niya, maga-observe pa siya sa nagapadayon nga operasyon sang diocese agud mahibaluan kun kinahanglan ang reshuffling sa mga kaparian.
Antes sa iya katungdanan sa Diocese of Bacolod, nagserbe bilang obispo si Bishop Galbines sa Diocese of Kabankalan.
Sa karun nagapabilin nga bakante ang Bishop's seat sa Diocese of Kabankalan samtang wala pa sang bag-o nga gintugyan ang Santo Papa nga mangin obispo.
[sibwp_form id=1]