Target sang Department of Social Welfare and Development nga maka sugod panagtag sang ayuda sa mga magagmay nga sugarcane planters nga apektado sang RSSI sini nga semana.
Ginsiling ni DSWD NIR Director Arwin Razo nga sa Negros Oriental may masobra sa 5,000 ka small farmers ang yara sa ila nga inisyal nga listahan. Amo pa lang ini ang na submit sa masterlist kag na validate na. Tuyo nila nga maka pilot rollout sa Mabinay kun sa diin may mga 2,000 ka farmers ang apektado.
Padayon naman ang pag panagtag sa Negros Occidental sang Emergency Cash Transfer. Ginpatigayon ang rollout sa San Carlos kag Don Salvador Benedicto kag sa Miyerkules maga sugod sa Sipalay.
Suno kay Razo ang Bacolod naga hikot pa lamang kag maga submit pa lang sang dokumento.
“Inantay kasi namin yung submission ng other LGUs para isahan yung pag prepare namin ng proposal and then eventually pag request ng funds coming from the Central Office ng DSWD. Currently we are finalizing the proposal including the requirements. Once ma process within the day, ma approve tomorrow, we start within the week for Negros Oriental”, suno kay Razo.
[sibwp_form id=1]