Pagpangsikop sang mga Badjao kag mga menor de edad nga nagapangaroling sa karsada suguran na sang DSSD anti-mendicancy team.
Nasuguran na sang DSSD Anti-Mendicancy Team ang surveillance sa mga lugar nga masami ginahukmungan sang mga Badjao nga karon amat-amat nga nagadamo sa siudad.
Sa video nga kuha ni Mike Ballados makita ang pila sa mga pamatan-on nga Badjao nga yara sa center island malapit sa flyover sa Barangay Bata.
Ginsiling ni DSSD OIC Alma Gustilo, natumod na nila ang pila pa ka mga lugar nga ginatiniran sang mga Badjao kag mga menor de edad nga masami nagapangaroling sa karsada.
Pero kinahanglan nila mag-coordinate sa kapulisan agud masuguran nga mangin matawhay ang pagkuha sa mga Badjao kag pagpapauli sa ila.
Ginadala sa Youth Home sa Barangay Vista Alegre ang mga Badjao para sa profiling antes pa man sila ginasakay sa bus kag ginadul-ong balik sa Mindanao.