May mga 200,000 ka mga negrense ang fully vaccinated sa target nga 1.4 million.
Ini suno sa kay Provincial Administrator Rayfrando Diaz nga nagsiling nga ginalauman ang pagsaka sang kadamuon sang nabakunahan karon nga padayon ang vaccine rollout.
Kahapon suno kay Diaz ginsugdan na ang rollout sang Janssen vaccine sang Johnson and Johnson.
Sa 2,464 ka vials nga ginpa gwa kahapon, 93.47 percent sini ang na utilize ukon 11,515 ang nabakunahan.
Subong padayon ang rollout sang Janssen tubtob nga maubos ang 70,000 ka dose nga nag-abot para sa probinsya.
Mga yara sa A2 ukon senior citizen kag A3 ang priority sa Janssen nga single dose vaccine.
Bwas man pagasugdan sa Negros Residences ang pagbakuna sa economic frontliners gamit ang AstraZeneca vaccine nga ginbakal sang probinsya.
Suno kay Diaz, 700 sa 1,450 ka dose ang para sa mga yara sa major industries kasubong sang power sector kag sa mga sentral.
Ang masunod nga batch ang natalana naman sa madason nga semana. Sa Agosto may ginapaabot nga 4,000 doses sang AstraZeneca sa 100,000 doses nga ginbakal sang probinsya.