Shadow

Bacolod EOC gin-recommend ang pagpabilin sang strikto nga pagpatuman sang border kag travel restrictions

Katapo sang Bacolod Emergency Operation Center gina-recommend nga mapabilin ang strikto nga pagpatuman sang border kag travel restrictions agud mapunggan ang paglapta sang Covid-19 Delta variant.

Sa emergency meeting sang katapo sang Bacolod City Emergency Operation Center upod sa mga local officials kagab-i, ginduso sang katapo sang EOC nga kuntani mapabilin ang pagpatuman sang travel restrictions sa siudad.

Nalakip diri ang pag-require sang negative RT-PCR test sa mga nagabyahe pasulod sa bacolod bisan pa sila ang fully vaccinated na.

Suno kay Em Ang, executive director sang EOC, nagakaangay man ang strikto nga border restrictions ilabi na nga yara na sa Western Visayas ang Covid-19 Delta variant.

Base pa sa natukod nga executive order sang alkalde, ginadumilian anay ang leisure travel sa mga pasahero nga ma gikan sa Panay Island.

Ang mga authorized persons outside residence lamang ang ginatugutan maka biyahe sa Bacolod. Unhampered man ang byahe sang mga cargo kag delivery sang essential goods and services.

Sa Hulyo 31 natalana nga magatakop ang pagpatuman sang general community quarantine with heightened restrictions sa Bacolod.

Leave a Reply

Your email address will not be published. Required fields are marked *

Secured By miniOrangeSecured By miniOrange