Water supply sang mga 10,000 tubtob 12,000 ka residente sakop sang duha ka mga barangay sa La Carlota City ang nagapabilin nga apektado tuga sang pag buga sang bulkan Kanlaon.
Suno kay Mayor Rex Jalando-on sang La Carlota City, ang water supply sang mga 3,000 ka mga households sakop sang Barangay Araal kag San Miguel ang nagapabilin nga apektado rason nga naga patuman sila sang water rationing.
May apat na ka mga water filtration trucks gikan mismo sa ila nga LGU, sa probinsya sang Negros Occidental, Sagay kag Cadiz ang ginagamit agudto ma pun-an ang kinahanglanon sang mga pumuluyo labi na ang tubig ilimnon.
Naga bulig naman ang Red Cross. Paathag niya apektado ang Balagacay kag Guintubdan spring nga amo ang ila nga source sang tubig sa area.
Ang isa diri nasupunan ukon ang spring box ang na coveran sang abo kag ang isa naman na contaminate sang abo.
Padayon suno sa iya ang clearing sang La Carlota Water District.
“Na contaminate kag na coveran ang spring box namon so nagsupon sa iban, ang iban na contaminate. Sa ini nga side lang sa pihak ha. You have to understand tatlo ang amon nga sources di. Masulog spring pakadto sa La Castellana, and diri pakadto sa Kanlaon, ang Araal kag San Miguel kag ang amon sa poblacion, we have 16 pumping station sa poblacion, so wala ya epekto ang poblacion, but the springs supply around 30 percent diri sa poblacion so nag drop man amon diri sa poblacion”, suno kay Jalando-on.
Suno kay Negros Occidental Governor Eugenio Jose Lacson isa ini karon ka concern kag gina lauman nila nga mag clear na ang water supply sa masunod nga inadlaw.
Samtang, sa official report naman sang probinsya, wala na sang nadugangan pa ang evacuees kasunod sang minor explosive eruption sang Martes.
Padayon ang feeding sang probinsya sa mga apektado.
Gikan sa pondo sang Malacanang ang gamiton para sa April tubtob May nga feeding.
Kun ma ubos na ini, ang 2025 Quick Response Fund na ang pagakuhaan. Damlag pa ang pondo gikan sa 2024 nga budget ang gin gamit sang probinsya sa nahauna nga community kitchen.