Wala anay gina tugutan sang Department of Tourism ang tanan mga tourism activities malapit sa Bulkan Kanlaon kasunod sang liwat nga paglupok sini sang Abril 8.
Sa advisory sang DOT, ang tanan nga tourism activities pareho sang trekking kag pagbisita sa mga tourist destinations sa La Carlota City, Bago City, La Castellana kag iban pa nga lugar malapit sa bulkan ang temporaryo nga wala gina tugutan.
Base sa advisory may pila ka mga local government units sa Negros Occidental, parte sang Guimaras, Iloilo kag Antique ang naka-eksperyensiya sang ashfall bangud sang amo nga minor eruption.
Ang abiso ang para mapangapinan ang mga residente kag turista nga mabutang sa delikado nga sitwasyon.