Meter mapping sang CENECO kabahin sang paghanda para sa prankisa sang Negros Electric Power Corporation ukon NEPC.
Ginsuguran na sang third party technicians sang Central Negros Electric Cooperative ang meter mapping sa tanan nga member consumers.
Ang pag-usisa sang mga electric meter kabahin man sang transition period ilabi na sa ginalauman nga paghatag prangkisa sa NEPC paagi sa joint venture sang Ceneco sa Primelectric Holdings Incorporated.
Suno kay Ceneco Acting General Manager Atty. Arnel Lapore pamaagi man ini agud matapna ang kaso sang pilferage ukon pagpangawat sang supply sang kuryente.
Wala sang bayad ang ginapatigayon nga meter mapping kag indi man pwede magbaton sang kwarta ang mga tiglawas sang Ceneco.
Sa sini tikang mas mahapos maaksyunan kag maserbisyohan sang distribution utility ang mga member-consumers paagi sa geotagging.