
Imbestigasyon sa natabo nga pag pangawat sa bodega sang motorpool sa Kapitolyo Probinsyal ang naga padayon.
Pag pahamtang sang dugang mga CCTV cameras ang isa sa tikang nga ginalantaw ipatuman.
Nagdangat sa masobra 472,000 pesos ang balor sang mga battery kag motor oil nga nagkaladula sa Engineering Motorpool sang probinsya.
Suno kay Provincial Legal Officer, Alberto Nellas, Jr., may persons of interest na, pero indi pa man nila mapalayag pending sang imbestigasyon.
Ang pulis ang naga usisa sa naga tambi nga balay sa ginbuhuan nga perimeter fence sang probinsya nga nag serbe nga alagyan sang mga nag pangawat.
Sa bahin sang probinsya gina usisa man nila kun bala may inside job ukon negligence sa natabo nga insidente.
Suno kay Nellas kabahin sa mga tikang nga napatuman na amo ang pagkaayo sang ginbuhuan nga pader.
Sa ulihi na nga semana sang Oktubre natukiban ang nagkaladula nga supply sang mag patigayon sang inventory.
Lima sa 21 ka mga battery nga nadula ang tigayon nga na recover.