Gin aresto sa pagpanguna sang Drug Enforcement Unit sang Negros Oriental kag Police Regional Office 7 kagab-i ang isa ka Radio DJ kag reporter sang isa ka Radio Station sa Dumaguete City.
Ang gindakop ginkilala kay Marlon Dela Cruz, 46 anyos, mas kilala bilang si “Major Blanco”.
Siya ang gin aresto paagi sa buybust operation sa Barangay Bagacay sa Dumaguete City.
11 ka sachet sang gina suspetsahan shabu nga nagabalor ₱40,800 ang nakuha kay Dela Cruz.
Siya ang ginakabig man sang PNP nga isa ka High Value Individual.
Kaso nga pagsupak sa RA 9165 ang pangatubangon sang radio personality.