Subong nga adlaw ang full implementation sang BaCTrac contact tracing sang siudad sang Bacolod nga nagatuyo magpahapos sa contact tracing sang Emergency Operations Center sa mga nagpositibo sa COVID-19.
Suno kay Bacolod EOC executive director Em Ang, natapos na ang moratorium nga ginhatag sang alkalde sa mg establisimiento komersyal nga magpa rehistro sa bactrac gani hugot na nga ipatuman ang ordinansa nga nagamando sa ila nga magparehistro.
May yara sang multa ang mga establisimiento nga wala nakaparehistro.
As of November 3, may yara na sang 6,303 ka mga establisimiento nga nakaparehistro sa BaCTrac kag 316,713 naman ang mga nakaparehistro nga pumuluyo.
Gin-athag ni Ang nga indi mandatory sa pumuluyo ang BaCTrac registration bangud mahimo man lang sila makasulat sang ila ngalan sa logbook sang mga establisimiento.
Pero ginahaylo sang city administrator ang publiko nga magparehistro sa BaCTrac kag magpangayo sang bulig sa ila tagsa ka mga barangay kun indi sila makahibalo magpa rehistro.
Sa mga nagapuyo naman sa gwa sang Bacolod kag nagatrabaho sa siudad, mahimo man sila makapa-register sa BaCTrac bilang visitor.
“it’s mandatory for establishments pero residents ya, citizens, it’s optional for them kay kung let’s say wala man lang sila gagwa they don’t want to go out kag indi man gid sila kinanlan nga magkadto sa mga buildings, establishments, government offices, public places they may opt nga indi sila mag-register,” suno kay Ang.