Cadiz City Mayor Salvador Escalante kag iban pa nga mga opisyal gikan sa Second District ang mahimo nga mag-upod sa Lakas-CMD.
Ginsiling ni Mayor Escalante nga wala siya madala sa mga 60 nga damlag pa nag-upod kay Mayor Albee Benitez nga nag-resign gikan sa Partido Demokratiko Pilipino – Laban. Suno kay Escalante, personal pa siya nga maga-istorya kay Second District Congressman Alfredo Maranon, III, angut diri. Laban suno sa iya magabalik sya sa iya daan nga national party – Lakas – CMD. Nag PDP – Laban siya bangud nag-upod sila sadto kay anay Governor Alfredo Maranon, Jr., nga nag upod sa partido sang tion ni Presidente Rodrigo Duterte. Suno sa iya gin-invite siya ni Cong Maranon sa pag-upod sa Lakas bangud ini ang naka promisa kay House Speaker Martin Romualdez nga amo ang presidente sang Lakas – CMD. Suno kay Escalante na istoryahan naman nila nanday Manapla Mayor Manuel Escalante, III ang amo nga tikang kag naga hulat na man lang sila sang guidance ni Congressman Maranon. Ginapaabot ang pag upod man sang mga opisyales sang Second District.
“Maka-istorya na ko kay Cong Thirdy, I’ll talke with them. Imbitaron ko sila (VM and SP) siempre. (May nag-imbitar sa imo mabalik sa Lakas?) Si Cong Thirdy. NUP siya pero I believe naka promisa siya kay Speaker. Wala man problema ang NUP kag Lakas. Wala man siya gina pangaluyagan ni Speaker. (bilog nga second district? Pati Manapla and Sagay?) Yes. Usually when we decide we decide as a district”, suno kay Escalante.
Si Sagay City Mayor Narwin Javelosa ang katapo sang NUP.
Samtang, sa katapusan sang Hunyo ukon sa Hulyo na ang convention sang United Negros Alliance para ma finalize ang ila nga line-up. Mahimo nga indi malikawan ang pag engkwentrohanay sang ila nga upod sa partido sa isa ka LGU.Mayor Salvador Escalante mahimo magabalik sa Lakas upod ang iban nga opisyal sang 2nd District