Ginatukod nga legislative building sang Bacolod ang yara masobra sa 25 percent sini nga construction plan. Ini ang ginapaabot matapos sa Mayo 2025. Nasuguran na ang pagbuhos sang semento sa second floor sang gina-contruct nga Legislative Building sa likod sang Bacolod city Government Center.
Ginsiling ni City Engineer’s Office-OIC Engr. Loben Ceballos, yara sa masobra 25 percent construction kag mahimo nga sa bulan sang Hulyo ang madasun nga pagbuhos sang semento sa 3rd floor sang ginatukod nga 3-storey building.
Disyembre sang ginsuguran ang P515 M legislative building project.
Diri isaylo ang mga opisina sang katapo sang konseho, ang session hall kag iban pa nga mga opisina sang mga agency kag city department. Ang proyekto isa sa mga prayoridad sang Benitez administration.