Kabankalan Mayor Benjie Miranda tuyo nga maga pa reelect sa 2025. Ini ang iya nga ginkumpirma sa katapo sang media sang Domingo.
Naka pangonseho man siya suno sa iya sa mga pumuluyo, kag sila ang naga haylo sa iya nga maga padayon sa pag pangalagad sa siudad.
Kun gina siling man nga mahimo mangin three-cornered fight sa 2025, bukas siya sa pag panghangkat kag may the best man win suno sa alkalde.
“Pareho man kami guro sang tinutuyo ang ma deliver ang intsakto nga serbisyo especially indi lang mag focus sa social services kundi tanan so kadamo, amo na may the best man win gyapon”, suno kay Miranda.
Nalakip sa plano ni Miranda ang flood free city kasubong man nga mangin operational na ang airport.
Gina huring-huring man nga maga papili si anay governor kag anay Kabankalan Mayor Isidro Zayco sa mayoralty race sa Kabankalan sa 2025.
Wala si Zayco sang may ginbuy-an nga pahayag bahin sa pat-od nga plano para sa 2025.
Suno sa iya, malayo pa ang masunod nga piniliay, kag sa nabilin nga panahon madamo pa ang sarang nga matabo.
“Tamaran pa ko mag storya pulitika kay duha pa to ka tuig, bal-an lang na. Waay pa. Duha pa to katuig. Kadamo pa magkalatabo kun sin-o mapadalagan, wala pa ko kabalo”, suno kay Zayco.