Mismo ang Bacolod LGU ang magapanguna agud matigayon ang mga dugang nga infrastructure projects para malubad ang kakulang sang water supply sa siudad.
Nagpasalig si Mayor Albee Benitez nga tagaan prayoridad ang mga proposed contracts halin bulk water suppliers, permits kag mga requirements pati ang pag lubad sang right of way issues sa paglatag sang dugang nga pipeline nga maga-angut sa linya sang Baciwa-Primewater.
Sa ginpatawag nga water summit sang alkalde nakasugtan nga mapatuman ang infrastructure projects para masolbar ang krisis sa tubig sa 3 tubtob 6 ka bulan.
Ang alkalde ang magatalana man sang monitoring team nga magapasiguro nga mahuman ang mga proyekto para malab-ot ang ginahandum sang mga konsumedor nga 24/7 nga water supply.