Nakabaton na lang sang tawag gikan sa tag- iya sang building si Glen Montero nga gin- ransack ang iya gina panag-iyahan nga kalan-an sang halo-halo nga Calle Luna.
Natukiban sang mga construction worker sa tupad nila sa may BS Aquino Drive sa Barangay Villamonte sa Bacolod nga utod na ang grills sa bentana kag gin utod man ang screen kaina sang aga.
Sang pag abot ni Montero, iya gin usisa ang kalan-an kag iya natukiban nga nadula ang petty cash sa cash registry nga halos P20,000.
Ang tablet nga gintinghuaan sang kawatan nga dal-on nabilin pa sa lamesa kag pati ang isa ka speaker nga naga balor sang P16,000 ang mssing naman.
Gingamit sang kawatan ang lagari sang mga construction workers sa pag utod sa grills sang bentana.
Ginpatay man sang kawatan ang main switch sang kuryente para indi mag gana ang mga CCTV camera sa sulod sang kalan-an.
Ginpa blotter na nila ang insidente sa Police Station 4 sa Bacolod kag gina usisa na sang PNP ang insidente.
Duha ka semana ang nagligad ginsulod man sang mga kawatan ang baligyaan sang lechon sa unhan lang sang baligyaan sang halo-halo.