Victorias City Mayor Javi Benitez maga-anunsyo pa sang iya desisyon sa natalana nga 2025 elections sa Setyembre 20.
Kabahin si Mayor Javi sa 15 ka mga alkalde nga nagtambong sa meeting sang katapon sang Love Negros sang Domingo.
Ginsiling ni Benitez nga sa karon gina consider niya ang magapapili bilang kongresista.
Pero sa Setyembre 20 pa siya maga- anunsyo sang iya mangin plano kun mapapili bilang kongresista sa 3rd district ukon magpa-re-elect bilang alkalde sang Victorias.
Gindugang niya nga sa karon prayoridad niya nga mapadayon kag matapos ang mga nasugdan nga infrastructure projects kag programa sa siudad.
Ang tiyo ni Benitez nga si anay congressman Francisco Benitez nga karon Tesda Director General pati na ang iya amay nga si Bacolod City Mayor Albee Benitez ang nag-endorso sa iya.