Mayor Albee Benitez nagpahayag nga wala sang sacred cow ukon palampuwason sa mangin resulta sang imbestigasyon sa nagluntad nga gamo sa Bacolod Traffic Authority Office.
Maga-anunsyo si Mayor Albee Benitez sang mangin resulta sang ginpatigayon nga imbestigasyon angut sa nagluntad nga kinagamo sa Bacolod Traffic Authority Office pagkaligad sang ila natalana nga closed-door meeting bwas.
Suno sa alkalde wala siya sang palampuwason sa mangin resulta sang ginpatigayon nga imbestigasyon.
Ini matapos nga ginpalab-ot ni Councilor Al Victor Espino ang reklamo sang pagpangilkil batuk sa nagpakilala personnel sang BTAO.
Si Espino ang ginreklamo man sang katapo sang BTAO nga namahug kag gin-alegar nagdala sang pusil sa sulod sang BTAO office sang tinalikdan nga semana.
Gintugyan ni Mayor Benitez ang pagpang-usisa kay BCPO Director Col. Noel Aliño.
Samtang, gina-consider man sang alkalde ang hinyo ni Aliño nga ibalhin ang opisina sang BTAO nga yara sa sulod sang BCPO compound sa pagpati nga makabig ini nga security threat kag eye sore.