Baligyaanay sang bulak para sa Pista Minatay ang amat-amat na nga naga bakal.
Suno sa mga naga baligya sang bulak sa likod sang Bays Center, amat-amat na nga mabakal ang bulak. Wala labot sa mga customer nga temprano pa nag pa patyo para magbisita sang ila nga mga minatay, madamo man sila nabaton nga order para na sa Oktubre 31 kag sa Nobyembre 1.
Suno kay Chenie Castigador, kun mag sakuay na gid, indi na sila makasarang mag baton pa sang dugang nga order magluwas sa temprano pa nila nga nabaton.
Ang basket nga floral arrangement ang nagabili sang 150 pesos. Ang one side floral arrangement naman naga bili 350 tubtob 500 pesos depende na sa kadakuon kag sa sahi sang bulak nga gamiton.
Nag mahal ang presyo sang bulak suno sa iya, Dugang pa diri ang bayad sa shipment sini kun ini ang gin order pa sagwa sang probinsya.