Mayor Albee Benitez nagpahayag nga magapabilin nga wala sang suportahan nga kandidato sa Barangay kag SK Elections sa pagsugod sang kampanya bwas.
Ginpahayag ni Mayor Benitez nga sa pihak sang mga nagalinapta niya nga litrato sa social media kaupod ang mga nagakandidato sa BSKE, wala siya sang may gina endorso ukon ginasuportahan nga kandidato sa nagahilapit nga pinili-ay.
Sa pagsugod man sang campaign period buas tubtob Okbtubre 28, nagapanugyan man ang alkalde sa mga nagapapili nga magsunod sa ginapatuman nga pagsulundan sang Comelec.
Ang alkalde ang nagsiling man sadto nga maga pa gwa siya sang good governance code nga magahatag giya sa mga botante sa pagpili sang mga lideres sa adlaw sang piniliay sa Oktubre 30.
Ang Comelec-Bacolod nagpa gwa naman sang listahan sang masobra 100 ka mga designated common poster areas nga sarang butangan sang mga kandidato sang ila mga campaign materials.