Buas na magasugod ang kampanya para sa Barangay kag SK Elections.
Pahanumdom sang COMELEC sa mga kandidato nga kuntani sa plataporma maga sentro ang kampanya kag wala na sang kalakasan pa nga magluntad.
Naga laum si Provincial Elections Supervisor Ian Lee Ananoria nga magluwas sa high level campaign maga sunod man ang mga kandidato sa napatpat nga mga pagsulundan sa kampanya labi na ang bahin sa mga common poster areas kasubong man sa mga sizes sang campaign posters.
Maga patigayon man ang COMELEC sang operation baklas.
Suno kay Ananoria natungod sang show cause order nga ila napapanaog bangud sang reklamo angut sa premature campaigning ila namutikan nga nag hagan-hagan man gid ang mga posters sang kandidato sa palibot sang probinsya. Kahapon suno sa COMELEC may lima ka nagdugang nga show cause order nga ila ginserbe angut sa premature campaigning nga reklamo kag ini tanan sa EB Magalona.
Naga kasayuran karon nga nag dangat na sa 149 ang show cause order nga ila na serbe sa mga kandidato.
“Just follow the rule, specifically sa postering, sa common poster area dapat ibutang. Kag ang mga t-shirt, mga kalo, prohibited na ipang hatag. Pwede kasuksok inyo campaign staff up to five lang, five kabilog during the campaign. Tomorrow I will have ang elections officer meeting, ma baklas kami”, suno kay Ananoria.