Napatay ang duha ka sakay sang pick up, matapos nga nabungguan sang tractor head prostate truck sa Bacolod-Silay Airport road sakop sang Hacienda Tibay Lopez, Barangay Efigenio Lizares, Talisay City, Sabado sang gab-i.
Napatay sa ospital ang driver sang pick up nga si Nilo Epanto, Domingo sang aga, kag gindeklarar naman nga dead on arrival sa ospital ang pasahero nga si Ronjun Caballero.
Ginabulong pa sa ospital ang isa ka sakay sang pick up nga si Paul Simon Puertillano.
Yara man sa ospital ang driver sang truck nga si Galy Antipatian.
Suno kay Police Major Rhazl Jim Jocson, Deputy Chief sang Talisay City PNP, padulong sa Bacolod ang truck nga wala sang karga, samtang ang pick-up naman ang naga dalagan pa Silay.
Sa imbestigasyon sang PNP, nag-overtake ang truck sa isa ka salakyan kag nadulaan sang kontrol ang drayber.
Nagrekta ang truck sa naga sugata nga pick-up nga gintunaan sang kamatayon sanday Epanto kag Caballero.