Mas nag nubo na gid ang supply sang tubig gikan sa Baciwa-Primewater karon nga tig-ilinit suno kay Mayor Albee Benitez.
Gani buas liwat siya nga magasapol sa management sang water utility upod sa mga water supplier kag natungdan nga ahensya para sa isa emergency meeting.
Ginsiling sang alkalde nga yara na sa.iya ang mga kontrata sang duha ka water supplier nga sarang mag supply para sa ginakulang nga masobra 5 million liters a day sang Baciwa-Primewater.
Pero para sa alkalde may kinahanglan nga drastic engineering measures agud matatapan ang ginakukang nga water supply karon nga tig-ilinit.
Tatlo tubtob anum ka bulan ang gintalana nga timeline sang alkalde para mapatuman ang ginadihon nga dugang nga infrastruture projects agud masolusyunan ang malawig na nga ginareklamo sang mga kunsomedor angut sa kulang nga water supply.