27 milyones pesos nga balor sang nagkalain-lain nga mga proyekto ang ginturn-over kaina sang aga sang probinsya sa mga partner Integrated Social Forestry Organization kag People’s Organization.
Suno Atty Julie Ann Bedrio ang Provincial Environment Management Officer sang Negros Occidental ang programa ang naga lakip sang mga activities nga naga tuyo sang pag develop kasubong man sang management sang upland ecosystem para sa 25 ka mga banwa kag siudad, 37 ka mga people’s organization kag lima ka local conservation groups.
Nalakip sa proyekto ang 16.1 million pesos nga support para sa watershed management and development program, 5 million pesos bilang suporta sa upland ecosystem management, 3 million para sa livelihood sang mga kababainhan sa coastal areas kasubong man sa kabukiran kag 3 million pesos para sa farm tourism program.
Ang partnership nagatuyo nga mabuligan sa ila nga mga palangabuhian ang mga natungdan kag kabaylo sini sila ang naga bulig sa pag amlig sa palibot ayhan sa baybayon ukon sa kabukiran man.