Wala matalupangdan sang drayber sang pickup ang apat ka tuig nga bata nga lalaki sa likod sang iya salakyan resulta nga ini ang iya naisulan kag napatay Sabado sang gab-i.
Ginsiling ni Police Station 4 Commander, Police Captain Francis Depasucat nagahampang ang mga kabataan sa dalan kag nagsuhot sa salakyan ang biktima kabangdanan nga wala siya makit-an sang drayber.
May yara na sang inisyal nga pag areglohanay sa tunga sang drayber kag pamilya sang napatay nga biktima.
Samtang, dead on the spot ang duha ka lalaki nga naga angkasanay sa motorsiklo sang masagaid sa center island sa BS Aquino drive kaina sang kaagahon.
Nag gwa sa pagpang-usisa sang Police.Station 4 Traffic section nga gikan sa shopping area madasig nga ginamaneho ni Argie Flores ang motorsiklo sang aksidente ini nga masagaid sa center island kag natumba.
Wala sang helmet ang driver kag ang iya lalaki nga backrider gani lunsay nag angkon sila sang pilas sa ulo kag lawas nga nangin kabangdanan sang ila hinali nga kamatayon.