Empleyado sang General Services Office sang Bacolod ang natalana issuehan sang show cause order bangud sang pagbaligya sang daan nga mga air conditioning unit.
Makapila na ka beses nga gina sulit-sulit ni Mayor Albee Benitez nga wala sang sacred cow sa iya sini nga administrasyon kag wala niya gina-tolerar ang mga reklamo angut sa korapsyon.
Gani magluwas sa traffic personnel nga ginpaidalom sa restrictive duty sang makuhaan sang video nga gina-alegar nagabaton sang suhol sa truck ban violator, ginapa-usisa niya man ang isa ka empleyado sang General Services Office nga gina-alegar nag pangpangbaligya sang mga government assets.
Nalakip na diri ang mga daan nga air conditioning unit nga napamaligya halin sang nagligad nga tuig.
Ang City Legal Office ang natalana nga maga-file sang show cause order batuk sa iya.
Nagligad lang man nga binulan sang may 2 ka mga regular sang OBO ang na-sentensiyahan sa insidente nga pagpangilkil.
May tatlo pa ka mga regular employees ang separado nga ginpasakaan sang kaso tungod sang pagpangawat sang gasolina kag pagserbe nga fixer sa sulod sang Bacolod City Government Center.