Bag-o nga Provincial Administration Center ang 70 percent na karon nga nahuman.
Target sang probinsya nga matapos ang istruktura June tubtob August sini nga tuig.
Damlag pa ginsiling na ni Negros Occidental Governor Eugenio Jose Lacson nga gina paabot nga mangin operational ang bag-o nga edipisyo nga maga house sang mga talatapan sang provincial government sa madason nga tuig. Paathag ni Provincial Administrator Rayfrando Diaz ini bangud indi man lamang ang physicial structure ang gina hatagan sang konsiderasyon kundi pati na ang pag-install sang kuryente, tubig, connectivity pati na mismo ang actual nga transfer ukon ang pag transition.
Tigayon na nga naka order kag naka pili sang mga furniture and fixture para sa amo nga 7 storey building.
Samtang, may tubtob pa sa December ang kumbuyahan nga na kontrata sang probinsya sa idalom sang Public Private Partnership para sa pag sugod sang development sa propiedad nga kaiping sang gina patindog nga new PAC.
Paathag ni Diaz sa kasugtanan, may duha ka tuig ang natungdan nga kumbuyahan humalin sang pag turn-over sang propiedad sa ila para masugdan ang proyekto nga naga lakip sang multi-use building.